د ګمرکونو لوی ریاست اتمه اداري ناسته وسوه!
د وږي ۱۷مه ۱۴۰۴هـ.ل
د مالیې وزارت د ګمرکونو لوی رئیس الحاج مولوي محمد حامد احمد په مشرۍ، د ګمرکونو لوی ریاست د (۱۴۰۴) کال اتمه اداري ناسته په دغه ریاست کي وسوه.
د ناستي ګډونوال؛ د ګمرکونو لوی ریاست تخنیکي او عملیاتي مرستیالان، رئیسان او یو شمېر آمرین ول، چي د ګمرکي عوایدو په لا زیاتولو، د هیواد په ګمرکونو کي د درملو د ساتني له پاره د مناسبو ځایونو په جوړولو، د صادراتي، وارداتي او ټرانزيټي توکو په ګمرکي طی مراحلو کي پر شته ستونزو او حل لارو، د یو شمېر سوداګریزو شرکتونو او صنعتکارانو د غوښتنو او ستونزو په حلولو، د یاد ریاست د مرکزي او ولایتي ادارو د ورځنیو چارو په لا ښه کولو، د هیواد په ګمرکونو کي د سوداګریزو توکو د طی مراحلو په چټکولو او یو شمېر نورو موضوعاتو په تړاو ئې بحث او لازمي پرېکړي وکړې.
همداشان په دې ناسته کي د چنګاښ او زمري په میاشتو کي د خطر د کمېټو راپور هم د ناستي ګډونوالو ته ور واورول سو.
