د افغانستان بیا رغونې وجهي صندوق مالي تمویل د مالیې وزارت سرپرست او د جنوبي اسیا لپاره د نړیوال بانک مرستیال د خبرو محور
د مالیې وزارت سرپرست او د زیربناء په چارو کې د ولسمشرۍ عالي مقام ستر سلاکار ښاغلي پروفیسور محمد همایون قیومي، د مرغومې میاشتې په ۲۴ مه نېټه د جنوبي اسیا لپاره د نړیوال بانک مرستیال ښاغلي هارت ویګ شیفر، سره وکتل.
په دې لیدنه کې دواړو لوریو د افغانستان بیا رغونې وجهي صندوق (ARTF) په مالي تمویل، په چټکۍ سره د افغانستان له لوري د دریو کلونو لپاره د مشارکت چوکاټ او ملي پروګرام په پوره کولو، د راتلوونکو دریو کلونو لپاره د افغانستان حکومت په نویو لومړیتوبونو، د نړیوال بانک او د پیسو نړیوال صندوق په پسرلنیو ناستو کې د مشارکت چوکاټ او مالي پروګرام د مسودې په وړاندې کولو او د افغانستان بیا رغونې وجهي صندوق د رهبرۍ له لوري د یادې مسودې په تائید، د انساني پانګونې په پروژې او یو شمېر نورو اړوندو مسایلو بحث او د نظرونو تبادله وکړه.
