مالیې وزارت د ۱۳۹۹مالي کال لپاره د متقاعدینو معاشونه د بایومیټریک له نوی پروسې پرته ورکوي

مالیې وزارت د ۱۳۹۹مالي کال لپاره د متقاعدینو معاشونه د دغه طبقې د زیان لیدنې او له دوی سره د مرستې په موخه د بایومیټریک له نوې پروسې پرته او د مخکنیو کارتونو له مخې ورکوي.

خبري کنفرانس چې په همدې موخه نن جوزا میاشتې په لومړۍ نېټه د حکومت د رسنیو په مرکز کې ترسره شو، د تقاعد خزانې لوی رئیس ښاغلي محمد عمر دراني په یادې برخه کې د اصلاحاتو پلي کیدو ترڅنګ د ۱۳۹۹ مالي کال بودیجې جوړښت او مالي اجراتو په اړه وویل: " د کرونا ویروس د خپرېدو او په هیواد کې د قرنطین له کبله د متقاعدینو د بایومیټریک پروسه ځنډېدلې ده، نو له همدې کبله موږ چې د متقاعدینو له شورا سره کومه ناسته درلوده، د افغانستان حکومت او مالیې وزارت د اوسنیو شرایطواو د متقاعدینو اقتصادي وضعیت په درک کولو سره پرېکړه وکړه، چې د نوبتي جدول سره سم د متقاعدینو حقوق په څلورو یا پنځو میاشتو کې ورکړي."

نوموړي زیاته کړه: د نوي بایومتریک پروسې پرته متقاعدینو ته د معاشونو له وکړې څخه موخه ده چې دوی اوسنیو شرایطو ته په کتو سره خپلې ستونزې حل کړي او ورځنیو ستونزو ته رسیدنه وکړی شي، ځکه د متقاعدینو یواځنی د عوایدو سرچینه د تقاعد حقوق در لاسه کو دي.

په دې کنفرانس کې د تقاعد خزانې لوی رئیس، له قرنطین وروسته د متقاعدینو د بایومیټریک نوي پروسې بیا پیلولو خبر ورکړ او له متقاعدینو یې وغوښتل، څو د اوسنیو ستونزمنو شرایطو په پام کې نیولو سره په کور کښېنې او د حقونو ترلاسه کولو لپاره دې د خزانې لوی ریاست ته مراجعه نه کوي، ځکه مالیې وزارت پرته له دې چې دوی فزیکي حضور ولري له جدول او ترتیب شوې لیست سره سم ترسره کوي.

د یادونې وړده، چې مالیې وزارت د متقاعدینو حقوق د مخکنیو کارتونو مطابق له لاندې دریو بستو سره سم ترسره کوي.

متقاعدین او د هغوی وارثین، چې کلني حقوق یې ۷۵ زره افغانۍ وي، سل سلنه (۱۲ میاشتې معاش یې) ورکول کول کېږي.

متقاعدین او د هغوی وارثین، چې کلني حقوق یې ۷۵۰ زرو څخه تر ۱۵۰ زره افغانیو پورې وي، ۷۵ سلنه (۹ میاشتې معاش یې) ورکول کول کېږي.

متقاعدین او د هغوی وارثین، چې کلني حقوق یې له ۱۵۰ زره افغانۍ لوړ وي، ۵۰ سلنه (۶ میاشتې معاش یې) ورکول کول کېږي.

د هغو متقاعدینو حقوق چې ۲۵ سلنه او ۵۰ سلنه پاتې کیږي د روان مالي کال کال په پای کې ورکړل شي.