د ګمرکونو لوی ریاست سرپرست د یوشمېر سوداګرو ستونزې او وړاندیزونه واورېدل
د ګمرکونو لوی ریاست سرپرست مولوي رحمت الحق فُضیل په مشرۍ د ګمرکونو او عوایدو معینیت د غونډو په تالار کي د سوداګرو د بېلابېلو اتحادیو له مسولینو سره ناسته وسوه.
په دې ناسته کي چي د ګمرکونو او عوایدو په چارو کي د مالیې وزارت مقام سلاکار اسدالله ساجد (خبیب)، د ګمرکونو لوی ریاست د عملیاتي چارو مرستیال محمد عمر مومند او د افغانستان د سوداګرۍ او صنایع خونې مرستیال محمد یونس مومند هم شتون درلود، یادو سوداګرو د خپلو ستونزو او وړاندیزونو د وړاندې کولو تر څنګ دواړو لورویو د يو شمېر سوداګريزو چارو په ګمرکي طى مراحلو او په دې برخه کي د اسانتياوو په راوستلو بحث وکړ او په اړه یې لازمې پریکړې وسوې.
د ګمرکونو لوی ریاست سرپرست وویل چي ستاسو ستونزو او وړاندیزونو ته به قوانینو ته په کتو سره پاملرنه کیږي او نوموړي په راتلونکي کي د ورته غونډو په جوړېدو یې ټینګار وکړ څو په مهمو ګمرکي مسایلو کي د سوداګرو نظرونه او وړاندیزونه واورېدل سي.
