تورخم ګمرک کي د ښځینه وېښتانو لسګونه بوجۍ ونیول سوي
د مالیې وزارت د ګمرکونو د ساتني او ځانګړو عملیاتو تنفیذي قطعې مېړنیو سرتېرو تېره ورځ د ننګرهار تورخم ګمرک کي د قاچاق د مخنیوي په یوه نادره پېښه کي د ښځینه د سر وېښتانو لسګونه بوجۍ کشف او ترلاسه کړي دي.
دغه په لسګونو بوجۍ ښځینه وېښتان چي په پټه ګاونډي هیواد ته قاچاق کېدل د ګمرکونو د سرښندونکو ځواکونو له لوري نیول سوي، چي په بېلابېل ډوله بار وړونکو موټرونو کي ځای پر ځای سوي وو. د تورخم ګمرک د مسؤلینو په خبره ویل کېږي، چي د وېښتانو ترڅنګ په ستره کچه د هیواد قیمتي ډبري هم ترلاسه سوي دي. د دې ترڅنګ په سپین بولدک سرحدي ګمرک کي ۱۰ کارتنه درمل چي پرته له ګمرکي محصول ورکولو هيواد ته واردېدل کشف او نیول سوي دي.
د یادوني وړ ده چي د انسان د سر وېښتانو پېر، پلور او قاچاق د انساني کرامت او حرمت ته په کتو شرعاً او قانوناً ممنوع دئ.
