د مالیاتي شخړو د حل بورډ د پروسږ کال په څلورمه ربعه کې (۲۷) قضیو ته رسېدنه کړې ده
د چنګاښ ۶مه۱۴۰۵ هـ.ل
د مالیې وزارت د مالیاتي شخړو د حل بورډ د (۱۴۰۴) هـ.ل کال په څلورمه ربعه کې څه باندې (۲۷) قضیو ته رسېدنه کړې ده، چې ډېری معترضو مالیه ورکوونکو د بورډ پر پرېکړو قناعت ښودلی او حکم شوي مبالغ یې بیت المال ته تحویل کړي دي.
د مالیې وزارت د مالیاتي شخړو د حل بورډ، چې له پنځو متخصصو غړو څخه جوړ شوی دی، د مالیاتي شخړو د حل او د مالیاتي عدالت رامنځته کولو، د مالیاتي اطاعت پذیرۍ د کچې لوړولو، د مالیاتي قوانینو له ښه او دقیق پلی کېدو څخه ډاډ ترلاسه کولو، د مالیه ورکوونکو او مالیاتی ادارو ترمنځ د باور رامینځته کولو، په خصوصي سکټور کې د پانګونې د جذب ملاتړ او د مالیاتو په ورکولو کې د مالیه ورکوونکو رضایت ترلاسه کولو لپاره اغېزمن او ګټور فعالیتونه ترسره کوي.
د یادونې وړ ده، چې د مالیاتي شخړو مسلکي او تخنیکي حل دوه اړخیزې پایلې لري، یعني له یوې خوا په ملي بودیجه او د مالیې وزارت د محاسباتي سیسټم (د نقدینګی مدیریت) باندې مثبت اغېز لري او پاتې عواید ترلاسه کېږي او له بلې خوا د مالیه ورکوونکو او مالیاتي ادارو ترمنځ د باور په رامنځته کولو سره د خصوصي سکټور رضایت تر لاسه کیږي.
