د نوي کابل بانک ونډوالو د دې بانک د مالي راپور ارزونه وکړه
د مالیې وزارت مالي مرستیال ښاغلي عبدالحبیب ځدراڼ په مشرۍ د وري میاشتې په ۲۱ مه نېټه چې د نوي کابل بانک ونډوالو هم شتون درلود، د یاد بانک د مالي راپور د تائید په تړاو ناسته وشوه.
په دې ناسته کې د کابل بانک په کړنو او لاسته راوړنو، د کابل بانک په مالي مسایلو، د قرنطین په ورځو کې د کابل بانک د کړنو په څرنګوالې، په ټاکلي موده کې د دولتي مامورینو د معاشونو په ورکړه او یو شمېر نورو اړوندو مسایلو په تړاو بحث او د نظرونو تبادله وشوه.
همداشان د قرنطین په شپو او ورځو کې د یاد بانک د چوپړتیاوو په وړاندي کولو اړینې پرېکړې وشوې او لازم تصمیمونه ونیول شول.
