د هرات ولایت د اسلام کلا ګمرک ته نوی رئیس معرفي شو
د مالیې وزارت اداري مرستیال ښاغلي محمد اسماعیل رحیمي، د لېندۍ میاشتې په ۱۸ مه نېټه هرات ولایت ته سفر وکړ او د اسلام کلا ګمرک لپاره نوی رئیس ښاغلی محمد یونس رهنورد، د دې ریاست کارکوونکو ته ور وپېژانده او تر څنګ یې د هرات له والي ښاغلي وحیدالله قتالي سره ولیدل.
په دې لیدنه کې د هرات والي له کابل څخه ورغلي پلاوي ته د ښه راغلاست ترڅنګ د مالیې په وزارت کې د اصلاحاتو په راوستو خوښي څرګنده کړه او ژمنه یې وکړه چې په هرات کې ملکي او نظامي کارکوونکي له تاسو سره همکار دي او له فساد سره مبارزه زموږ لومړیتوب دی.
ورپسې د پېژندنې په مراسمو کې ګډونوالو ته د مالیې وزارت اداري مرستیال ښاغلي رحیمي، د مالیې په وزارت کی د اصلاحاتو تر څنگ د فساد پر ضد د مبارزی او د گمرکونو د عصري کولو، د جینوا کنفرانس په لاسته راوړنو، د کورنیو عواید په لوړېدو او د ځان بسیاینې په لور د افغانستان د حکومت په کوټلو ګامونو پورته کولو خبرې وکړې.
د هرات د والي مرستیال او د هرات گمرک نوي رئیس، د ملي عوایدو له لارې د افغانستان د ځان بساینی او د هرات په گمرک کی له فساد سره په کلکه مبارزه ټینګار وکړ او د ځان بسیاینې په لوري یې د هر ډول همکارۍ ډاډ ورکړ.
د غونډی په پای کې کډ پلاوې د گمرک د تاسیساتو، د ډیجټلې تلې او د اسیکوډا سیستم لیدنه وکړه او په صفري نقطه کې یې د هغو ډریورانو شکایتونه واوریده.
وروسته بیا د مالیې وزارت اداري مرستیال او ورسره پلاوي په روزنګ کی د ریل گاډی د پټلی چی افغانستان او ایران سره نښلوي لیدنه وکړه او د گمرک مسولینو ته یې سپارښتنه وکړه، چې په یاد بندر کې دي گمرک فعال او د عوایدو په راټولیدو کي دي گوټلي گامونه پورته کړي.
