دیدار سرپرست وزارت مالیه با مالکین موترهای که در گمرک اسلام قلعه متضرر گردیدند
محمد خالد پاینده، سرپرست وزارت مالیه و غلام بهاوالدین جیلانی، وزیر دولت در امور رسیدگی به حوادث به اساس هدایت معاونیت اول ریاست جمهوری اسلامی افغانستان امروز با مالکین موترهای که در گمرک اسلام قلعه متضرر گردیده اند، در مقر وزارت مالیه دیدار کردند.
در این دیدار، سرپرست وزارت مالیه مشکلات، نظریات و پیشنهادات مالکین موترهای را که در حادثه گمرک اسلام قلعه متضرر گردیدند، از نزدیک استماع نموده و برای شان وعده سپرد تا مشکلات ایشان را با معاونیت اول ریاست جمهوری افغانستان شریک خواهد کرد.
