د مالیې وزارت د خزاینو لوی ریاست د دوو قراردادي (NTA) بستونو تحریري ازموینه واخیسته
د مالیې وزارت کار اهل کار ته د سپارلو، په خپلو اړوندو ادارو کي د روڼتیا رامنځته کولو او د مسلکي کادرونو جذبولو ته ژمن دئ او تل ئې په دې برخه کي جدي هڅي کړي دي؛ نو پر همدې بنسټ د دغه وزارت د بشري سرچینو ریاست د آزادي او رڼې سیالۍ له لاري د دغه وزارت د خزاینو لوی ریاست د سافټوېر د پراختیا ارشد متخصص (Senior Software Development Specialist) او د سافټوېر د پراختیا متخصص (Software Development Specialist) (۲) د قراردادي بستونو ازموینه واخیسته.
دغه ازموینه د مالیې وزارت د بشري سرچینو رئیس مولوي احمدشاه شاکر په حضور کي د وزارت په خیبرهال کي واخیستل سوه، چي (۲۷) تنو پکښي ګډون کړی وو.
د ګډونوالو له ډلي څخه (۲) هغه کسان، چي لوړي نمرې ترلاسه کړي، د تقررۍ له ازمویني وروسته به په اړوندو ادارو کي وګومارل سي.
