د روان ۱۴۰۲ مالي کال په لومړیو لسو میاشتو کي د ګمرکونو صادرات زیات سوي!
د مالیې وزارت له لوري د هیواد په ګمرکونو کي سوداګرو ته د رامنځته سوو اسانتیاوو او له فساد سره د جدي مبارزې له امله، د روان (۱۴۰۲) کال په لومړیو لسو میاشتو کي یو شمېر هیوادونو ته د څه باندي (۱۲۲) میلیارډه افغانیو په ارزښت صادرات ترسره سوي دي.
په ترسره سوو صادراتو کي د څه باندي (۴۳) میلیارډه افغانیو په ارزښت مېوې، د (۱۶) میلیارډه افغانیو په ارزښت پنبه او د (۱۷) میلیارډه افغانیو په ارزښت سبزیجات شامل دي، چي پاکستان، هندوستان او متحده عربي اماراتو ته صادر سوي دي.
د مالیې وزارت تل هڅه کړې، چي د کورنیو او بهرنيو سوداګرو لپاره په ګمرکي طي مراحلو کي اړیني اسانتیاوي رامنځته کړي؛ ترڅو سوداګر وکولای سي په کمه موده کي د سوداګریزو توکو ګمرکي طي مراحل په اسانۍ ترسره کړي.
