تېره اوونۍ د هیواد په بېلابېلو ولایتونو کي یو ځل بیا قاچاقي توکي نیول سوي دي!
د مالیې وزارت د ګمرکونو لوی ریاست د ګرځنده څارني کارکوونکو تېره اوونۍ د نیمروز، کندهار، فراه، ننګرهار او هلمند ولایتونو په بېلابېلو سیمو کي یو ځل بیا په زیاته کچه قاچاقي توکي نیولي دي، چي قاچاق کوونکو غوښتل په پټه ئې افغانستان ته راوړي.
په نیول سویو توکو کي (۲۶۱۲۵) کیلو ګرامه ګوړه، (۴۷۳۲) کیلو ګرامه چاکلېټ، (۹۷۳۰) کیلو ګرامه مالګه، (۲۷۹۶) کیلو ګرامه درمل، (۱۱۹۵۲) کیلو ګرامه کینو، (۵۱۲) کیلو ګرامه یووار مصرف لوښي او (۴۲۰) کیلو ګرامه خورما شامله ده.
نیول سوي توکي او تورن کسان د نورو اجراآتو له پاره اړوندو ګمرکونو ته ور پېژندل سوي.
د یادوني وړ ده، چي د مالیې وزارت د ګرځنده څارني کارکوونکي په ټول هیواد کي ګرځنده څارني کوي او هیچا ته اجازه نه ورکوي، چي ممنوعه او قاچاقي توکي ولېږدوي.
