د کورنۍ پلټني لوی رئیس لوگر او خوست ولایتونو ته سفر وکړ
د مالیېي لوی رئیس انجنیر عبداللطیف خالد په مشرۍ یو پلاوي د چارو د ارزوني په موخه د لوگر او خوست ولایتونو له مستوفیتونو، گمرکونو او اړوند کاري دفترونو څخه لیدنه وکړه.
د دغه سفر په لړ کي د خوست د گمرک رئیس او یادو ولایتونو مستوفيانو د کورنۍ پلټني لوی ریاست پلاوي ته د ښه راغلاست ترڅنگ په چارو کي د روڼتیا او اصلاح رامنځته کېدو په موخه د دوی هڅي وستایلې.
وروسته بیا د کورنۍ پلټني لوی رئيس، د پلټني پر ارزښت او څرنگوالي او د پلټني د سپارښتنو پر عملي کولو خبري وکړې او د شفافو عوایدو په راټولېدو یې ټینگار وکړ. هغه زیاته کړه، چي د پلټني د اصلاحي سپارښتنو په تطبیق سره اداره مثبت لور ته گام اخلي او د نه تطبیق په صورت کي اداره له گڼو ستونزو او ناخوالو سره مخ کیږي.
د یادوني وړ ده، چي ښاغلي خالد د یادو ولایتونو له ټولو اړوندو کارکوونکو سره ولیدل، د هغوی ستونزي او غوښتني یې واورېدې او د مالیې وزارت له لوري یې د حل ژمنه ورسره وکړه.
