د تورخم په ګمرک کي د (۶۷) کیلو ګرامه قیمتي او نیمه قیمتي ډبرو د قاچاق کېدو مخه ونیول سوه!
د تورخم ګمرک د دروازو لوی مدیریت کارکوونکو په درېیو صادراتي محمولو کي د (۶۷.۲) کیلو ګرامه په اندازه قیمتي او نیمه قیمتي قاچاق کېدونکو ډبرو مخه ونیوله.
دغه قیمتي او نیمه قیمتي ډبري، چي په ډېر مهارت سره په بار وړونکو موټرونو کي ځای پر ځای سوي وې او قاچاق کوونکو غوښتل، چي په پټه ئې پاکستان ته ولېږدوي.
د یادوني وړ ده، چي اوس مهال د هیواد په ټولو ګمرکونو کي له قاچاقي او ممنوعه توکو څخه په جدي ډول څارنه کېږي او چاته اجازه نه ور کول کېږي، چي لېږد او را لېږد ئې ترسره کړي.
