مالیې وزارت له یوه خصوصي شرکت سره د سوداګریز مارکېټ د جوړولو تړون لاسلیک کړ!
د مالیې وزارت او یوه خصوصي ودانیز شرکت ترمنځ د کابل ښار په میرویس میدان (کوټه سنګي) سیمه کي د یوې ستري او معیاري سوداګریزي ودانۍ د جوړولو تړون لاسلیک سو، چي په دوه جریبه ځمکه کي به جوړه سي.
په همدې تړاو جوړه سوې ناسته کي د نظام یو شمېر لوړ پوړو مسؤلینو حضور درلود. په دې سوداګریز مارکېټ کي به د کمال ظفر خصوصي شرکت له لوري د (۴،۵) میلیونه ډالرو پانګوني سره، په (۱۲) پوړونو کي (۳۰۰) سوداګریز دوکانونه ورغول سي، چي ورسره به سلګونو کسانو ته په مستقیم ډول د کار کولو زمینه برابره سي.
دغه سوداګزیز مرکز به د درو کلونو په موده کي ورغول سي، چي له درکه به ئې په کال کي (۳۸) میلیونه افغانۍ عواید د دولت خزانې ته ور اضافه کېږي.
د یادوني وړ ده، چي په دغه غونډه کي د یو شمېر نورو دولتي ادارو او خصوصي کورنیو او بهرنیو شرکتونو ترمنځ، د شاوخوا (۴) میلیارډه افغانیو په ارزښت د برېښنا د تولید او په رغنیزو برخو کي د مهمو پروژو قراردادونه هم لاسلیک سول.
