د کورنۍ پلټني لوی رئیس او ورسره مل پلاوي د کابل ګمرک او د مالیه ورکوونکو د خدمتونو له ریاست څخه لیدنه وکړه!
د مالیې وزارت د کورنۍ پلټني لوی رئیس انجنیر عبداللطیف خالد او ورسره مل پلاوي د چارو د ارزوني په موخه د کابل ګمرک ریاست او مالیه ورکوونکو ته د خدمتونو وړاندي کولو ریاست له چارو څخه لیدنه وکړه.
د پلټني لوی رئیس د دغو ریاستونو د لیدني پر مهال کارکوونکو ته د پلټني د اهمیت او ارزښت په تړاو خبري وکړې او ذکر سويو ادارو ته د مخکنیو ورکړل سويو اصلاحي سپارښتنو د پلټنو د تطبیق څرنګوالی ئې هم تعقیب کړ.
ښاغلي خالد، د دغو ریاستونو له مسئولینو او کارکوونکو سره په یو شمېر رغنده موضوعاتو بحث وکړ او هر شعبه ئې جلاجلا ولیده، د دوی د کړنو او اجراآتو ارزونه ئې وکړه، غوښتني او ستونزي ئې واورېدې.
د یادو ادارو مسئولینو د ورکړلو سويو سپارښتنو د ښه عملي کولو ډاډ ورکړ او هیله ئې څرګنده کړه، چي له دغه ریاست سره به خپلي بشپړي همکارۍ ته د تل په څېر دوام ورکوي. ښاغلي خالد هم دوی ته د قانوني شرایطو په رڼا کي د ستونزو د حل ډاډ ورکړ.
