د اسلامي امارت زېربنایي پروژې به په بشپړي همغږۍ پلي کېږي!
د مالیې وزارت د پالیسۍ معین انجنیر سلطان محمد زبیر په مشرۍ، د ملي زېربنایي پروژو د جوړ سوي میکانیزم د غوره تطبیق په موخه د (۲۷) وزارتونو، خپلواکو ادارو او امارتي شرکتونو ترمنځ د همغږۍ ناسته وسوه.
په دغه ناسته کي د افغانستان اسلامي امارت د ریاست الوزراء درانه مقام له لوري د زېربنایي پروژو د همغږۍ او شریکولو پر تائید سوي میکانیزم هراړخیز بحثونه وسول او د یاد میکانیزم د غوره تطبیق لاري چاري رابرسېره سوې.
په دې ناسته کي له پلان سره سم، په منظم او دقیق ډول د زېربنايي پروژو پلي کول ډېر اړین وبلل سول؛ تر څو د زېربناوو له بیا ړنګولو مخینوي وسي او د دغو پروژو د پلي کولو پرمهال د لګښتونو سپما ته هم باید ځانګړې پاملرنه وسي.
همدا راز د راتلونکو پلانونو او د احتمالي ستونزو پر مخنیوي هم بحثنونه وسول. د یو شمېر ادارو له لوري له میکانیزم سره سم د ځينو پروژو د پلي کولو ستاینه وسوه او اړوندي ادارې لا پياوړي همغږۍ ته و هڅولي سوې.
په پای کي د مالیې وزارت له لوري د ټولو اړوندو زېربنایي پروژو د ښه پلي کولو او بیارغاوني په برخه کي اړتیا ته په کتو د اصولي همکاریو بشپړ ډاډ ورکړل سو.
