د نیمروز په ګمرک کي د اورلګېدني مخه ونیول سوه!
د غبرګولي۱۲مه۱۴۰۴هـ.ل
د مالیې وزارت د ساتني او ځانګړو عملیاتو تنفیذي قطعې د نیمروز ګمرک ځیرکو کارکوونکو له خوا یوه عراده کانټینري بار وړونکي موټر ته، چي د برېښنا د شارټۍ له امله ئې اور اخیستی وو؛ پر وخت رسېدنه وسوه او د اور وژني/ اطفایوي ټیم د اغېزمنو هڅو په پایله کي د اور د پراخېدو مخه ونیول سوه، چي له دې سره د یو میلیارډ افغانیو په اندازه د ممکنه مالي زیان مخنیوی هم وسو.
د یادولو ده، چي یاده اور لګېدنه د موټرونو د تمځای په ساحه کي را منځته سوې وه، چي پر وخت ئې د مخنیوي په پایله کي شاوخوا نور بار وړونکي وسایط او تأسیسات هم له هر ډول خسارې او مالي زیان څخه خوندي پاتي سول.
