د چارو د لا همغږۍ او پرمختګ په موخه د اداري معینیت د رهبرۍ درېیمه ناسته وسوه
د مرغومي ۱۸مه ۱۴۰۴هـ.ل
د مالیې وزارت د اداري معین مولوي دوست محمد مخلص په مشرۍ، په روان (۱۴۴۷) هـ.ق کال کي د اداري معینیت د رهبرۍ درېیمه ناسته د اړوندو رئیسانو په ګډون د دغه معینیت د غونډو په تالار کي وسوه.
په دې ناسته کي د امارتي املاکو عمومي ریاست له پاره د پرمختللو امنیتي کېمرو پر نصبولو، د اړوندو ریاستونو د میاشتني کاري راپور پر شریکولو، د اجناسو د ثبتولو سیسټمونو د پراختیا او څارني، د بهرنیو شرکتونو د بانکي امانتونو، د معتمدینو د ګومارني له پاره د شرایطو پر رامنځته کولو او یو شمېر نورو موضوعاتو په تړاو هر اړخیز بحث او اړیني پرېکړي وسوې.
همداراز اړوندو ریاستونو شته ستونزي او وړاندیزونه هم شریک کړل، چي د رهبرۍ له لوري ورته د پر وخت رسېدو ډاډ ورکړل سو.
د یادوني ده، چي د مالیې وزارت اداري معینیت د رهبرۍ ناستي د چارو د اغېزمنتوب او بدلون په موخه ترسره کېږي، چي دغه لړۍ به په راتلونکي کي هم دوام ومومي.
