د مالیې وزارت د دعوت او ارشاد ریاست له لوري د دې وزارت له کارکونکو څخه دیني او عقیدوي ازموینه ترسره سوه

د کب۲۰ مه، ۱۴۰۴ هـ.ل
د مالیې وزارت د دعوت او ارشاد ریاست، د امر بالمعرف، نهی عن المنکر او د شکایتونو آوریدلو د مقام د حکم پر بنسټ، د دې وزارت له کارکونکو څخه د کارکونکو د دینی زدکړو د کچې ارزونه او د دوی د پوهاوی کچې لوړولو په موخه دینی او عقیدتی آزموینه ترسره کړه. 
دا ازموینه د مالیې وزارت په جومات کې د دعوت او ارشاد چارو د همغږۍ لوي ریاست له نصاب څخه واخیستل شوه، چې ټولو کارکونکو په پنځو درسی ګروپونو کې د عبدالله ابن عباس (رض)، عبدالله ابن عمر (رض)، عبدالله ابن مسعود (رض)، عبدالله ابن زبیر (رض) او معاویه (رض) کې برخه اخیستي وه.    
په دې ازموینه کې د معلوماتو برخه شامله وه ، او د ګډونوالو د ښه پوهاوي په موخه، پوښتنې هم په دوو ژبو (پښتو او دري) کې تنظیم سوې وې.
د یادونې وړ ده چې د شنبې په ورځ، د روان کال د کب په ۱۶ مه د ګمرکونو او د مالیې وزارت د مستوفیینو له کارکونکو څخه، د یکشنبې په ورځ، د کب په ۱۷مه ، د عوایدو لوي ریاست له کارکونکو څخه ازموینه ترسره سوه، او سبا، د پنجشنبې په ورځ، د کب په ۲۱مه، د مالیې وزارت د خدماتی کارکونکو (اجیرانو) ازموینه اخیستل کیږي.