جلسۀ آمادگی بمنظور برگزاری کمیسیون مشترک اقتصادی و تجارتی میان افغانستان و تاجیکستان دایر گردید
جلسۀ آمادگی بمنظور برگزاری کمیسیون مشترک اقتصادی و تجارتی میان افغانستان و تاجیکستان امروز مؤرخ 8 سرطان 1398 تحت ریاست محترم پروفیسور محمد همایون قیومی، سرپرست وزارت مالیه و مشاور ارشد مقام عالی ریاست جمهوری در امور زیربناء دایر گردید.
در این جلسه که معینان محترم وزارت های صنعت و تجارت، ترانسپورت، زراعت، آبیاری و مالداری، انرژی و آب، ادارۀ نفت و گاز، خط آهن و محیط زیست اشتراک داشتند در رابطه به آمادگی های جانب افغانستان برای برگزاری کمیسیون مشترک اقتصادی و تجارتی میان افغانستان و تاجیکستان و خواست جانبین از کمیسیون متذکره بحث همه جانبه صورت گرفت.
قرار است کمیسیون مشترک اقتصادی و تجارتی میان دو کشور هفته جاری در تاجیکستان برگزار گردد.
