د مالياتي محاسبينو خبرتیا
د مالياتي چارو د ادارې قانون د دري دېرشمې (۳۳) مادې له مخي، ټول مالیاتي محاسبین چي مالیه ورکوونکو ته په مالیاتي چارو کي د مالیاتي مشورو، د مالیاتي اسنادو د چمتو کولو، د محاسبې اړوند او نور مالیاتي خدمتونه وړاندي کوي، د مالیې وزارت د عوایدو لوی ریاست سره ثبت او بايد د مالیاتي محاسبینو جواز ولري.
د مالیې وزارت د عوایدو لوی ریاست په پام کي لري چي د مالیاتي محاسبینو د ثبت او هغوی ته د جواز د ورکړې د څلرمي دورې پروسه پیل کړي.
په همدې موخه هغه کسان چې د لاندنيو شرطونو لرونکي وي، د( ۱۴۰۱) لمريز کال د وري مياشتې له (۲۵) نیټې څخه د غويي مياشتې تر (۲۳) نیټې پورې د گمرکونو او عوایدو معینیت کې د عوایدو لوی ریاست اړوند د حقوقي خدمتونو ریاست د مالیاتي محاسبینو لوی مدیریت ته دې مراجعه وکړي او غوښتنلیک دي تر لاسه کړي.
د مالیاتي محاسبینو د ثبت شرایط
(۱) د مالیاتي چارو ادارې قانون د ۳۳ مادې اولي فقرې سربېره، لاندې شرایط باید د مالیاتي محاسب د ثبت لپاره په نظر کې ونیول سي:
- شخص باید په قانوني امورو مکلف وي؛
- په اقتصاد، محاسبه، ACCA ، حقوق، اداره او تجارت کي د اسنادو په کتو حد اقل د لیسانس ترکچي د لوړو زده کړو در لودونکی وي.
- د دولت رسمي او برحال اداري کارمند نه وي.
- د محکمې لخوا د مجرم په توګه نه وي پېژندل سوئ.
- شخص به بل شخصي شرکت نه لري، ترڅو د منافعو د تضاد مخنیوی سوی وي.
(۲) د مالیاتي مشورتي شرکت مسئولین که په پورته شرطونو برابروي، د دې طرزالعمل په رڼا کي د جواز مستحق دي او هم کولای سي، چي نور مالیاتي محاسبین هم په خپل دفتر کي استخدام کړي.
د آزمویني پوښتني
۱- مالیاتي قوانین، پر عایداتو د مالیاتو لارښودونه، د مالیاتي چارو اداري لارښوود، او همدارنګه مالیاتي مقررات، طرزالعملونه او عمومي حکمونه.
۲- د محاسبې اساسي اصول.
۳- سوداګریزه محاسبه.
۴- مدیریتي حسابداري.
۵- مالي حسابداري.
۶- د پانګوني او شرکتونو قانون، سوداګریز قوانین او نور مالي قوانین.
پر شرایطو برابر کسان کولای سي، چي له پورته مرجع څخه د غوښتنلیک فورمه تر لاسه کړي او تر ډکولو وروسته د تحصیلي اسنادو او د تذکرې له کاپيو سره یو ځای بېرته اړوندي مرجع ته وسپاري او یا ئې په برېښنايي ډول لاندي برېښنايي ادرسونه ته واستوي.
یادونه: که څوک په برېښنايي توګه نوم لیکنه کوي، نو د لاندي لینګ لا لاري دي خپله نوم لیکنه وکړي.
لینک(وروسته شېر کېږي)
د لا زیاتو معلوماتو له پاره په لاندېنيو شمېرو او برېښنليکونو سره اړيکه ټينگولی شئ.
د اړیکو شمېرې: ۰۲۰۲۹۲۴۲۰۰۵ - ۰۲۰۲۹۲۴۹۱۵
برېښليک: obaid.arabzai@mof.gov.af . ebad.darman@mof.gov.af
